AFFA İntizam Komitəsi “Neftçi” və “Sabah”ı Azərbaycan Premyer Liqasının XIX turunda komandalar arasında keçirilən oyundakı neqativ hallara görə cərimələyib. Bu barədə İnsanoid Report-a istinadən bu gün, 25 yanvar tarixində xəbər verir.
“Ağ-qaralar” 2200, “bayquşlar” isə 800 manat məbləğində cəzalandırılıblar.
“Neftçi” 4 futbolçusu sarı vərəqə aldığı üçün 700 manat, azarkeşləri tərəfindən pirotexniki vasitədən istifadə edildiyi üçün isə 1500 manat cərimə ödəməli olacaq.
“Bank Respublika Arena”dakı qarşılaşma bitdikdən sonra meydana kənar şəxslərin daxil olması “Sabah”ı 800 manat xərcə salıb.
Görüş qolsuz bərabərliklə yekunlaşıb.
