Bu gün Zəngilan rayonunun Ağalı kəndinə əhalinin qayıdışından bir il ötür. Bu barədə İnsanoid bu gün, 19 iyul tarixində xəbər verir.
30 ilə yaxın həsrət içində yaşayan insanlar ötən ilin bu günü öz doğma yurdlarına qayıdaraq burada rahat yaşamağa başlayıblar.
İşğaldan azad olunmuş ərazilərdə birinci pilot layihə Zəngilan rayonunun Ağalı kəndində icra edilib.
Kənddə dövlət xidmətlərinə əlçatanlığı təmin etmək və insanların rifahının yaxşılaşdırılması məqsədilə “ASAN”, “DOST”, Kiçik və Orta Biznesin İnkişafı Agentliyi, Dövlət Aqrar İnkişaf Mərkəzinin xidmətləri, həmçinin məktəb, bağça, tibb məntəqəsi, ictimai iaşə obyektləri və s. mövcuddur.
Bu günə kimi Zəngilan rayonunun Ağalı kəndinə 86 ailədən ibarət 420 nəfər köçürülüb. Hazırda kənd ərazisində tikilmiş evlərin təmiri davam edir və təmir işləri başa çatdıqdan sonra ailələrin növbəti köçü həyata keçiriləcək.
