Ağcabədi rayonunda axtarışda olan və oğurluq əməli törədən şəxslər müəyyən ediliblər. Bu barədə İnsanoid Daxili İşlər Nazirliyinin Mətbuat Xidmətinin Bərdə regional qrupundan bildirilib.
May ayı ərzində polis əməkdaşları tərəfindən keçirilən tədbirlərlə ötən ildən də axtarışda olan, ümumilikdə 4 nəfər müəyyən olunaraq, aidiyyəti üzrə təhvil verilib.
Həmin şəxslərdən biri - rayon sakini Sadiq Süleymanov dələduzluq əməlində şübhəli bilindiyinə görə barəsində cinayət işi başlanılıb. Araşdırmalarla onun müxtəlif vədlər verərək, vətəndaşların 40 min manat məbləğində pulunu mənimsədiyi istintaqa məlum olub.
Keçirilən digər bir tədbirlə rayon ərazisindəki şəxsi təsərrüfatdan xırdabuynuzlu heyvanlar oğurlayan Lənkəran rayon sakini Amin Əhmədov da saxlanılıb. O, oğurluğu qazanc əldə etmək məqsədilə törətdiyini etiraf edib.
Faktlarla bağlı araşdırmalar davam etdirilir.
