Ağdamda polislər qanunsuz olaraq çətənə bitkisinin kultivasiyasını təşkil edən şəxsləri saxlayıblar. Bu barədə İnsanoid DİN-ə istinadən bu gün, 13 iyun tarixində xəbər verir.
Aqrotexniki üsulla narkotik tərkibli bitkiləri yetişdirməkdə şübhəli bilinən Ağdam rayon sakinləri - Anar Babayev və onun qohumu olan qadın saxlanılıblar.
Onların yaşadıqları ünvanlara baxış zamanı ümumilikdə 160 ədəd çətənə bitkisi və 450 qramdan artıq qurudulmuş marixuana aşkar edilərək götürülüb.
Bundan başqa, keçirilən digər əməliyyat tədbiri ilə eyni əmələ görə şübhəli olan rayon sakini Səbuhi Vəliyev də saxlanılıb. Onun yaşadığı ünvandan isə 53 ədəd çətənə bitkisi aşkar edilərək götürülüb.
Hər iki faktla bağlı Cinayət Məcəlləsinin müvafiq maddəsi ilə cinayət işləri başlanılıb.
Məhkəmənin qərarına əsasən, A.Babayev və S.Vəliyev barəsində həbs, A.Babayevin qohumu barəsində isə polisin nəzarəti altına vermə qətimkan tədbiri seçilib.
Araşdırmalar davam etdirilir.
[caption id="attachment_118886" align="alignnone" width="696"]
Foto DİN[/caption]
