17:00
Ağstafada yol qəzasında ölən 3 nəfər ANAMA əməkdaşlarıdır
Ağstafa rayonunda baş verən yol-nəqliyyat hadisəsi zamanı ölən 3 nəfər Minatəmizləmə Agentliyinin (ANAMA) əməkdaşlarıdır. Bu barədə 29 aprel tarixində Report məlumat verib.
Ölən şəxslərin Ağstafa rayon sakinləri, 1991-ci il təvəllüdlü Elşad Namazov və 1994-cü il təvəllüdlü Ramin Məmmədov, eləcə də Füzuli rayon sakini 1976-cı il təvəllüdlü Hüseyn Məmmədhəsənov olduğu müəyyənləşib.
Eyni zamanda, Agentliyin daha iki əməkdaşı - Ağstafa rayon sakinləri 1999-cu il təvəllüdlü Orxan Xəlilov və 1994-cü il təvəllüdlü Sərxan Vəliyev xəsarət alıb.
Qeyd edək ki, hadisə "Toyota" və "VAZ 2107" markalı avtomobilin toqquşması nəticəsində baş verib. Hadisə zamanı 3 nəfər ölüb, 8 nəfər xəsarət alıb.
***
15:49
Ağstafada yol qəzasında 3 nəfər ölüb, 8-i yaralanıb
Ağstafa rayonunda baş verən yol-nəqliyyat hadisəsi zamanı xəsarət alanların şəxsiyyəti məlum olub.
Məlumata görə, bunlar 1999-cu il təvəllüdlü Xəlilov Orxan, Vəliyev Sənan, Şərifova Aydan, Şərifov Raul, Şərifov Ramin, İsgəndərova Günay, İsgəndərova Şölə və İsgəndərov Emindir.
Yaralıların müalicəsi Ağstafa Mərkəzi Rayon Xəstəxanasında davam etdirilir, vəziyyətləri orta-ağır və kafi qiymətləndirilir.
***
14:42
Ağstafada yol qəzası olub, 3 nəfər ölüb
Ağstafa rayonunda yol-nəqliyyat hadisəsi baş verib. Bu barədə 29 aprel tarixində Report məlumat verib.
Hadisə Bakı-Qazax-Gürcüstan magistral yolunun rayon ərazisindən keçən hissəsində qeydə alınıb.
Yol-nəqliyyat hadisəsi zamanı 3 nəfər ölüb, 7 nəfər yaralananlanıb.
Faktla bağlı araşdırma aparılır.
[gallery link="file" size="full" ids="114291,114289,114290"]
