Sloveniyada keçirilən şahmat üzrə Avropa çempionatı üçün Azərbaycan yığmasının heyəti açıqlanıb. Bu barədə 18 mart tarixində Azərbaycan Şahmat Federasiyasının Facebook səhifəsində məlumat verilib.
Turnirdə ölkəmizi 15 şahmatçı təmsil edəcək. Onlardan 14-ü kişi, 1-i isə qadın qrosmeysterdir. Avropa çempionatında Qədir Hüseynov, Nicat Abasov, Vasif Durarbəyli, Eltac Səfərli, Vüqar Əsədli, Misrətdin İsgəndərov, Məhəmməd Muradlı, Aydın Süleymanlı, Əhməd Əhmədzadə, Abdulla Qədimbəyli, Murad İbrahimli, Riyad Səmədov, Gövhər Beydullayeva, Toğrul Həsənzadə, Şahin Vəliyev mübarizə aparacaq.
Qeyd edək ki, Avropa çempionatı martın 27-dən aprelin 6-dək keçiriləcək. Turnir 11 turdan ibarət olacaq və ümumi mükafat fondu 100 min avro təşkil edəcək.
