Lənkəran Dövlət Dram Teatrının aktyoru Əlibala Əsgərov 69 yaşında dünyasını dəyişib. Bu barədə İnsanoid Azərbaycan Teatr Xadimləri İttifaqına istinadən bu gün, 13 iyun tarixində xəbər verir.
Aktyor Əlibala Əfsər oğlu Əsgərov 1955-ci ildə Sumqayıtda anadan olub. Azərbaycan Dövlət İncəsənət İnstitutunun Mədəni-maarif fakültəsində təhsil alıb. 1975-ci ildən N.B.Vəzirov adına Lənkəran Dövlət Dram Teatrında işləyib. Bununla yanaşı, o, “Durnalar qayıdanda” filmində sovet zabiti, “Qəzan mübarək, Paşam” filmində general Əliağa Şıxlinski obrazlarını yaradıb.
