Ötən il 9 399 Gürcüstan vətəndaşı Almaniyaya gedərək bu ölkədən sığınacaq istəyib. Bu barədə 11 yanvar tarixində Report Almaniya Miqrasiya və Qaçqınlarla iş üzrə Federal İdarəsinin Avropa bürosunun sorğusuna cavab olaraq verdiyi məlumata istinadən xəbər verib.
Müraciət edənlərdən yalnız 31-inə qaçqın statusu verilib. 7 964 ərizəçinin göstərdiyi səbəb qaçqın statusu almaq üçün uyğun olmayıb.
Federal İdarə həmin şəxslərin sığınacaq istəyinə rədd cavabı verərək, onlara ölkəni könüllü tərk etmələri barədə bildiriş göndərib.
Ötən il Almaniyadan Gürcüstana deportasiya edilənlərdən 245-i milliyətcə azərbaycanlıdır.
Gürcüstana qayıdanlara kiçik fermer təsərrüfatı, xidmət sektoru, kiçik ticarət və istehsalat sahəsində öz sahibkarlıq fəaliyyətlərini qurmaq üçün nağd və qeyri-nağd şəkildə ödənişlər edilib.
