Bütün ana ölümləri Tibbi Ərazi Bölmələrini İdarəetmə Birliyinin (TƏBİB) aidiyyəti komissiyası tərəfindən araşdırılır və nəticəyə əsasən, müvafiq tədbirlər görülür. Bu barədə 8 iyul APA TƏBİB-ə istinadən məlumat verib.
Qeyd edilib ki, TƏBİB-nin İcraçı direktorunun müvafiq əmrinə uyğun olaraq, hazırda TƏBİB-nin tabeliyindəki perinatal mərkəzlərin dəyərləndirilməsi aidiyyəti üzrə komissiya tərəfindən həyata keçirilir:
"Artıq Quba və Şəki perinatal mərkəzlərində komissiya təşkil olunub, tibbi xidmətin keyfiyyətinin artırılması istiqamətində təkliflər verilib. Komissiya tərəfindən digər perinatal mərkəzlərin də dəyərləndirilməsi qısa müddətdə həyata keçiriləcək".
