Azərbaycan Minatəmizləmə Agentliyi işğaldan azad edilmiş ərazilərdə ötən ay 562 mina aşkarlayıb. Bu barədə 2 may tarixində Agentlik məlumat verib.
Məlumata görə, aprelin 1-dən 30-dək Tərtər, Ağdam, Xocavənd, Füzuli, Şuşa, Qubadlı, Cəbrayıl və Zəngilanda aparılan minatəmizləmə əməliyyatları zamanı piyada əleyhinə 142, tank əleyhinə 420 mina və 902 partlamamış hərbi sursat aşkarlanaraq zərərsizləşdirilib.
Nəticədə 4 651,45 hektar ərazi mina və partlamamış hərbi sursatlardan təmizlənib.
