Azərbaycanın Minatəmizləmə Agentliyinin (ANAMA) İdarə Heyəti, ANAMA yanında İctimai Şura üzvləri və Agentliyin struktur bölmələrinin rəhbərləri Fəxri xiyabana gedərək ulu öndərin xatirəsini ehtiramla yad edib, məzarı önünə tər gül dəstələri qoyublar. Bu barədə İnsanoid ANAMA-ya istinadən bu gün, 10 may tarixində xəbər verir.
Qeyd edilib ki, ANAMA kollektivi ilə birlikdə ölkəmizdə səfərdə olan dünyanın nüfuzlu təşkilatlarından biri - “Sülhün kökləri” (Roots of Peace) təşkilatının təsisçisi və rəhbəri Heidi Kühn də dövlətimizin beynəlxalq münasibətlər sistemində layiqli yer tutmasında müstəsna xidmətləri olmuş böyük şəxsiyyət, müdrik dövlət xadimi ulu öndərin məzarını ziyarət edib.
Mərasim iştirakçıları daha sonra görkəmli oftalmoloq alim, akademik Zərifə xanım Əliyevanın məzarı üzərinə gül dəstələri düzüb, xatirəsini ehtiramla yad ediblər.
[caption id="attachment_115453" align="alignnone" width="696"]
Foto ANAMA-nın rəsmi saytı[/caption]
