Ümummilli lider Heydər Əliyevin vəfatının 20-ci ildönümündə əziz xatirəsi Aran bölgəsində böyük izdihamla anılıb. Bu barədə Report 12 dekabr tarixində xəbər verib.
Salyan rayonunda keçirilən anım mərasimində Rayon İcra Hakimiyyətinin başçısı, hüquq-mühafizə orqanlarının rəsmiləri, idarə, müəssisə və təşkilatların rəhbərləri, ictimaiyyətin nümayəndələri Heydər Əliyevin şəhərin mərkəzində ucaldılmış abidəsini ziyarət edib, abidə önünə gül dəstələri düzərək ulu öndərə öz dərin ehtiramlarını bildiriblər.
Heydər Əliyevin xatirəsi Neftçala rayonunda da anılıb. Minlərlə neftçalalı bu gün səhər saatlarından başlayaraq ulu öndər Heydər Əliyevin rayon mərkəzində ucaldılmış abidəsini ziyarət edib və abidənin önünə təzə-tər çiçəklər düzüblər.
Həmçinin Heydər Əliyev Mərkəzində ümummilli liderə həsr olunmuş sərgiyə baxış keçirilib.
Hacıqabulda da vəfatının 20-ci ildönümündə Heydər Əliyevin xatirəsi izdihamla anılıb. Rayon İcra Hakimiyyətinin rəhbəri, hüquq-mühafizə orqanlarının əməkdaşları, ictimaiyyətin nümayəndələri ulu öndərin adını daşıyan parka gələrək, abidəsini ziyarət ediblər, önünə gül dəstələri düzüblər.
Şirvan şəhərinin sakinləri, icra oqranlarının rəsmiləri, ictimaiyyətin nümayəndələri də Heydər Əliyevin abidəsi önünə gül dəstələri düzməklə dahi rəhbərə öz dərin ehtiramlarını bildiriblər.
Sabirabad, Saatlı və İmişli rayonlarında da ümummilli liderin əziz xatirəsi anılıb. Hər üç rayonda Heydər Əliyevin abidəsi ziyarət edilib, önünə tər gül dəstələri düzülüb.
