“Araz-Naxçıvan” futzal klubu bu gün UEFA Çempionlar Liqasında mübarizəyə başlayacaq. Bu barədə Report 23 avqust tarixində xəbər verib.
Azərbaycan çempionu ilkin seçmə mərhələnin A qrupunda ilk oyununa çıxacaq.
Təmsilçimiz Latviyada təşkil olunacaq görüşdə Türkiyə çempionu “İstanbul Şişli” ilə qarşılaşacaq. Oyun bu gün, avqustun 23-ü Bakı vaxtı ilə saat 15:00-da Salaspils İdman Arenasında start götürəcək.
Qrupun digər matçında Almaniya klubu “Yan Reqensburq”la Latviya “Riqa”sı (20:00) üz-üzə gələcək.
Oyunu Arttu Kinaerenen (Finlandiya), Drazen Vukçeviç (Monteneqro), Georgios Kozakos (Kipr) idarə edəcəklər.
“Araz-Naxçıvan” qrupda ikinci oyununu avqustun 24-də “Yan Reqensburq”a qarşı keçirəcək.
