“Araz-Naxçıvan”da baş məşqçi vəzifəsinə yeni təyinat reallaşıb. Bu barədə Report 5 iyun tarixində xəbər verib.
Mayın 31-də müqaviləsi başa çatan Joze Alesio Da Silva və onun köməkçisi Cordan Silva ilə müqavilə yenilənməyib. Baş məşqçi postuna Vitali Borisov təyin olunub.
Ona serb mütəxəssislər - Predraq Raiç və qapıçı-məşqçi Zoran Rakiçeviç kömək edəcəklər. P.Raiç bir müddət EKOL komandasında çıxış edib və baş məşqçi kimi fəaliyyət göstərib. Hər 3 məşqçi ilə anlaşma 1 il müddətinədir.
17 qat Azərbaycan çempionu “Araz-Naxçıvan” yeni mövsümdə növbəti dəfə Azərbaycanı UEFA Çempionlar Liqasında təmsil edəcək.
