Salyanda arvadını öldürən şəxs barəsində cinayət işi məhkəməyə göndərilib. Bu barədə İnsanoid Salyan Rayon Prokurorluğuna istinadən bu gün, 24 noyabr tarixində məlumat verir.
Bu il avqustun 16-da 25 yaşlı Salyan rayon sakini Günel Quliyevanın öldürülməsi faktı ilə bağlı rayon prokurorluğunda başlanmış olan cinayət işinin ibtidai istintaqı tamamlanıb.
İstintaqla 30 yaşlı Qaraş İbrahimovun aralarında yaranmış mübahisə zamanı arvadı Günel Quliyevanı sonuncunun bacısının gözü qarşısında üzərində olan soyuq silah hesab edilən ov bıçağı ilə xəsarətlər yetirərək qəsdən öldürməsinə əsaslı şübhələr müəyyən edilib.
Qaraş İbrahimova Cinayət Məcəlləsinin 120.2.4 (xüsusi amansızlıqla qəsdən adam öldürmə) və 228.4-cü (qanunsuz olaraq soyuq silahı əldə etmə və gəzdirmə) maddələri ilə ittiham elan edilərək cinayət işi baxılması üçün Lənkəran Ağır Cinayətlər Məhkəməsinə göndərilib.
