Aşıq Ələsgərin abidəsi ilə bağlı elan olunmuş heykəltaraşlıq müsabiqəsinin qalibləri müəyyən olunub. Bu barədə İnsanoid Mədəniyyət Nazirliyinə istinadən bu gün, 1 fevral tarixində məlumat verir.
Heykəltaraşlıq müsabiqəsinə ölkəmizin heykəltaraşları tərəfindən 13 əsər təqdim olunub.
Təsdiq olunmuş işlərin dəyərləndirilməsi və müsabiqənin yekun nəticələrinin müəyyən olunması məqsədilə Mədəniyyət Nazirliyinin nəzdində fəaliyyət göstərən Ekspert Komissiyası tərəfindən qaliblər seçilib.
Qaliblərin siyahısı təqdim olunur: 1-ci yerə Natiq Əliyev, 2-ci yerə Xanlar Əhmədov və 3-cü yerə Kamran Əsədov layiq görülüblər.
Qeyd edək ki, Azərbaycan Respublikası Prezidentinin 30 noyabr 2021-ci il tarixli 3019 nömrəli “Aşıq Ələsgərin abidəsinin ucaldılması haqqında” Sərəncamının icrasının təmin edilməsi məqsədilə Bakı şəhərində Aşıq Ələsgərin abidəsinin ucaldılması ilə bağlı Mədəniyyət Nazirliyi tərəfindən heykəltaraşlıq müsabiqəsi keçirilib.
