Astarada avtoxuliqanlar Dövlət Yol Polisi əməkdaşları tərəfindən saxlanılıblar. Bu barədə Report 8 iyul tarixində xəbər verib.
Ötən gün səhər saat 09:00 radələrində əsgər yola salma mərasimində avtoxuliqanlıq hərəkətləri edərək görüntüləri sosial mediada paylaşan Astara rayon sakinləri tutulublar.
Hadisə Bakı-Astara şosesində qeydə alınıb.
Belə ki, 29 yaşlı Vüsal Məhərrəmov, 27 yaşlı Eltun Məmmədov, həmyaşıdı Namiq Qasımov, 23 yaşlı Raqib İdrisov və həmyaşıdı İsaq Zayidov məsuliyyətə cəlb olunublar.
Onlar idarə etdikləri “VAZ 2107” markalı, 10-UP-384, 07-BJ-701 dövlət qeydiyyat nişanlı, “VAZ 2106 markalı” 07-BG-671, 66-BA-912 dövlət qeydiyyat nişanlı və “VAZ 21015” markalı, 07-BC-715 dövlət qeydiyyat nişanlı avtomobillərlə magistral yolda təhlükəli manevrlərlə həm özlərinin, həm də digər yol hərəkət iştirakçılarının həyat və sağlamlıqlarını təhlükəyə atıblar.
Hadisədən sonra həmin şəxslər Baş DYP İdarəsi əməkdaşları tərəfindən saxlanılıb. Onların hər biri bir il müddətinə sürücülük hüququndan məhrum edilməklə yanaşı, 15 sutka həbs cəzası alıb.
[video width="512" height="640" mp4="https://insanoid.com/storage/thumbs/large/2023/07/WhatsApp-Video-2023-07-08-at-11.09.07.mp4"][/video]
