Məhkəmə hədə-qorxu ilə pul tələb etməkdə təqsirləndirilən Ata Abdullayevin vəsatətini təmin etməyib. Bu barədə martın 17-də Report məlumat yayıb.
Məhkəmənin növbəti iclası martın 29-na təyin edilib.
Qeyd edək ki, ittihama əsasən, A.Abdullayev müxtəlif şəxslərdən onlar haqqında rüsvayedici məlumatlar yaymaq hədəsi ilə pul tələb edib. Bununla əlaqədar ona “hədə-qorxu ilə tələb etmə” və “xeyli miqdarda əmlak əldə etmək məqsədi ilə törədildikdə” maddələrilə ittiham verilib.
A.Abdullayev DTX tərəfindən ötən ilin mart ayında saxlanılıb. Bakı Ağır Cinayətlər Məhkəməsinin hökmünə əsasən, A. Abdullayev 7 il müddətinə azadlıqdan məhrum edilib. Hökmdən narazı qalan məhkum apellyasiya şikayəti verib.
