AVRO-2024-ün seçmə mərhələsində keçiriləcək Avstriya - Azərbaycan oyununa biletlərin hamısı satılıb. Bu barədə Report 15 mart tarixində xəbər verib.
Avstriya Futbol Assosiasiyasının baş direktoru Bernhard Neuholdun sözlərinə görə, “Raiffeisen Arena”dakı qarşılaşma üçün satışa çıxarılan 17 000 bilet tükənib. Azərbaycan millisinin matçdan üç gün sonra Estoniya ilə eyni stadionda baş tutacaq görüşünə də maraq böyükdür. Baş direktor həmin qarşılaşma üçün satışda cəmi 1000 biletin qaldığını bildirib.
Qeyd edək ki, martın 24-də keçiriləcək Avstriya - Azərbaycan oyunu Bakı vaxtı ilə saat 23:45-də start götürəcək.
