Azərbaycan ərazisindən keçməklə Ermənistana yük aparan İran vətəndaşı saxlanılıb. Bu barədə martın 16-da Dövlət Gömrük Komitəsindən məlumat verilib.
Belə ki, “Qubadlı” gömrük postunda İran vətəndaşının idarə etdiyi yük avtomobili saxlanılıb. Sürücü gömrük nəzarətindən gizlədilmiş və mütləq bəyan edilməli predmetin olmadığını bildirib.
Avtomobilə baxış keçirilən zaman oradan 4 kiloqramdan artıq narkotik vasitə olan həşiş qətranı, 8 ədəd metadon həbi, 2 ədəd “alprazolam” həbi və 30 kiloqramdan çox tiryək aşkar edilib.
Faktla bağlı araşdırma aparılır.
Qeyd edək ki, metadon və alprazolam müvafiq olaraq “dövriyyəsi məhdudlaşdırılan narkotik vasitələr” və “dövriyyəsi nəzarət edilən psixotrop maddələr”in siyahısına daxildir.
