Azərbaycanın təşəbbüsü ilə UNESCO-nun Baş qərargahında martın 17-də Novruz bayramı qeyd edilib. Bu haqda ölkəmizin təşkilatdakı nümayəndəliyindən APA-ya məlumat verilib.
Tədbir Azərbaycanın koordinasiyası, Əfqanıstan, İran, İraq, Qazaxıstan, Qırğızıstan, Hindistan, Özbəkistan, Pakistan, Tacikistan, Türkiyə və Türkmənistanın birgə təşkilatçılığı ilə keçirilib.
Azərbaycan mədəni tədbirdə ud və nağaranın müşayiəti ilə balabanda “Sarı Gəlin”, “Bahar qızı”, “Heyva Gülü” kimi musiqi parçaları ilə təmsil olunub. Konsert proqramı 12 ölkənin milli təamlarını təqdim edən ziyafətlə müşayiət olunub.
Qeyd edək ki, COVID-19 pandemiyasına görə Novruz tədbirləri UNESCO-da son iki il ərzində təxirə salınmışdır.
