Azərbaycanın Türkiyədəki “STAR” neft emalı zavodu 2021-ci ildə 6,14 milyard dollar gəlir əldə edib. Bu da 2020-ci ilə nisbətən 44% çoxdur. Bu barədə 8 aprel tarixində SOCAR-ın Facebook səhifəsində məlumat verilib.
Məlumata əsasən, müəssisədə istehsal edilən məhsulların 64%-i Türkiyədə, 36%-i isə xarici bazarlarda satılır. Məhsullar ən çox Yunanıstan, Livan, İtaliya, Belçika və Niderlanda ixrac edilir. Türkiyədə dizel yanacağının 17,5%-i, reaktiv yanacağının 12,6%-i, LPG-nin 5,1%-i “STAR” zavodunun istehsalı ilə təmin olunub.
