Bu gün, martın 16-da təhsil naziri Emin Əmrullayev Türkiyəyə işgüzar səfər edib. Bu barədə Təhsil Nazirliyindən məlumat verilib.
Səfər çərçivəsində nazir Türkiyənin milli təhsil naziri Mahmut Özerlə görüşüb. Görüş zamanı iki ölkə arasında təhsil sahəsində əməkdaşlığın cari vəziyyəti və perspektivləri ətrafında fikir mübadiləsi aparılıb.
Qeyd olunub ki, Azərbaycandan olan 25 şagird 15-22 mart tarixlərində Türkiyənin Çanakkala şəhərində səfərdə olacaq. May-iyun aylarında isə türkiyəli şagirdlərin Bakıya və işğaldan azad olunmuş ərazilərə səfəri nəzərdə tutulur.
