Azərbaycan və Qazaxıstan arasında logistika sahəsinə dair əməkdaşlıq sazişi imzalanıb. Bu haqda “Qazaqstan Temir Joly” SC tərəfindən aprelin 12-də məlumat verilib.
Keçirilən görüşdə "Azərbaycan Dəmir Yolları" QSC-nin sədri və “Qazaqstan Temir Joly” SC-nin idarə heyətinin sədri Transxəzər Beynəlxalq Nəqliyyat Marşrutu üzərindən multimodal (kombinə edilmiş, qarışıq) daşımalarının daha da inkişaf etdirilməsini müzakirə ediblər. Hər iki tərəf marşrutun ötürücülük qabiliyyətinin artırılması və tranzit vaxtının azaldılmasının vacibliyini vurğulayıblar.
2021-ci il ərzində Transxəzər Beynəlxalq Nəqliyyat Marşrutu üzrə daşımaların həcmi 586 min tondan çox olub. 2022-ci ilin yanvar-mart ayları ərzində isə bu göstərici 266 min tona bərabər olub ki, bu da ötən ilin eyni dövrü ilə müqayisədə 123% çoxdur.
