Azərbaycan və Rusiya arasında ticarətdə "Yaşıl dəhliz" açılır. Bu barədə martın 18-də Rusiyanın Azərbaycandakı ticarət nümayəndəsi Ruslan Mirsayapova istinadən Trend xəbər verib.
Bu layihə sayəsində hər iki ölkənin gömrük orqanları məhsulların maneəsiz və sürətli dövriyyəsi üçün sadələşdirilmiş mexanizmlərdən istifadə edəcək.
“Yaşıl dəhliz" layihəsinin işə salınması və eyni zamanda, Azərbaycanın Xanoba və Rusiyanın Yaraq-Qazmalar keçid məntəqələrinin bərpası və genişləndirilməsi, eləcə də "Aqroekspress" layihəsinin tətbiqi ilə Rusiya və Azərbaycan arasında xarici ticarət dövriyyəsinin müsbət dinamikası təmin ediləcək", - deyə nümayəndə bildirib.
“Yaşıl Dəhliz” buraxılış sisteminin məqsədi xarici ticarət iştirakçıları üçün fiziki gömrük yoxlamalarını minimuma endirmək və məmur-sahibkar münasibətlərini müasir idarəçilik prinsiplərinə uyğun olaraq inkişaf etdirməkdir. Sözügedən sistemin buraxılış proseduru və ümumi üstünlükləri ilə link vasitəsilə tanış olmaq olar.
