Aprelin 12-də Ankarada “Azərbaycan Hava Yolları” QSC və Türkiyənin Dövlət Hava Limanları Baş İdarəsinin nümayəndələri arasında görüş keçirilib. Bu barədə AZAL-dan məlumat verilib.
Görüşdə hava məkanından istifadə və regionda aeronaviqasiyanın inkişafı üzrə strategiya layihəsinin həyata keçirilməsi məsələləri müzakirə olunub. Qeyd edilən strategiya ölkələrə aeronaviqasiya xidməti və hava məkanından səmərəli istifadə sahəsində beynəlxalq tələbləri birgə həyata keçirməyə imkan yaradacaq.
“Bu əməkdaşlıq iki dövlətin uçuşların təhlükəsizliyinin təmin edilməsi və aeronaviqasiya xidmətlərinin keyfiyyətinin yüksəldilməsi sahəsində bir-birinə qarşılıqlı köməyin bariz nümunəsidir”, - deyə əlavə olunub.
