2022-ci ilin ilk iki ayında Azərbaycana 138 ölkədən 150 mindən çox turist gəlib. Bu, əvvəlki ilin eyni dövrü ilə müqayisədə 2,1 dəfə çoxdur. Bu barədə Dövlət Statistika Komitəsinin 18 mart tarixində verdiyi məlumatda bildirilib.
Gələnlərin 33%-i Rusiya, 24%-i Türkiyə, 13%-i İran, 6%-i Gürcüstan, 3%-i isə Səudiyyə Ərəbistanı vətəndaşları olmuşdur.
Azərbaycana səyahət edənlərin 81%-i kişilər, 19%-i isə qadınlar olub.
Hesabat dövründə xarici ölkələrə 184 mindən çox Azərbaycan vətəndaşı səfər edib. Həmin şəxslər daha çox Türkiyəyə (40%), Rusiyaya (25%), İrana (12%) və Gürcüstana (8%) gedib. Xaricə səyahət edənlərin 63%-ni kişi, 32%-ni isə qadınlar təşkil edib.
