Azərbaycanda hamilə və ya 3 yaşınadək uşağı olan anaların işdən çıxarılması qadağandır. Bu qayda Azərbaycan Respublikasının Əmək Məcəlləsi ilə tənzimlənir.
Müəssisənin ləğv edilməsi halları istisna olmaqla, bu şəxslərin işdən çıxarılması qadağandır:
- 3 yaşınadək uşağını təkbaşına böyüdən kişilər;
- Yeganə qazanc yeri işlədiyi müəssisə olub məktəb yaşınadək uşağını təkbaşına böyüdən işçilər;
- Əmək qabiliyyətini müvəqqəti itirən şəxslər;
- Şəkərli diabetlə və ya dağınıq sklerozla xəstə olanlar;
- Öhdəsində sağlamlıq imkanları məhdud 18 yaşınadək və ya I dərəcə əlilliyi olan ailə üzvü olan işçilər;
- Məzuniyyətdə, ezamiyyətdə olduğu vaxtda, habelə kollektiv danışıqlarda iştirak etdiyi müddət ərzində olan işçilər.
Azərbaycan Respublikası Qanununun 24.1-ci maddəsində göstərilən işçi ilə bağlanılmış əmək müqaviləsinin işəgötürən tərəfindən ləğv edilməsinə yol verilmir.
