Cari ilin mart ayında Azərbaycanda Facebook istifadəçilərinin fəallığı fevral ayı ilə müqayisədə 22% artıb. Bu barədə aprelin 1-də “Global Stats” statistika mərkəzindən məlumat verilib.
Aprelin 1-nə Facebook-un Azərbaycanın sosial media bazarında payı 50% təşkil edib. Bu, ötən ilin müvafiq göstəricisindən 37,7% çoxdur.
İkinci yerdə Youtube qərarlaşıb. Onun bazar payı 18% təşkil edib. Bu göstərici ötən ilin analoji dövründə 24,3% təşkil etmişdi.
Əhali arasında fəallıqda 13,3%-ə malik olaraq üçüncü yerə Instagram sahib olub. Ötən ilin mart ayı ilə müqayisədə sosial şəbəkənin istifadəçilərinin fəallığı 4,4% azalıb.
Digər sosial şəbəkələrin: Pinterest, Twitter və Vkontakte pay bölgüsü müvafiq olaraq 9%, 5% və 2% təşkil edib.
[gallery columns="1" size="full" link="file" ids="40042"]
