Azərbaycanda istixana sistemlərində innovativ işıqlandırma texnologiyalarının tətbiqinə start verilir. Bu barədə 15 mart tarixində Kənd Təsərrüfatı Nazirliyi məlumat verib.
Bununla bağlı Nazirlik və Signify”, “Grow Group” şirkətləri arasında innovativ işıqlandırma texnologiyalarının istixanalarda tətbiqinə dair müqavilənin imzalanma mərasimi keçirilib. Tədbirdə çıxış edən Kənd Təsərrüfat Naziri İnam Kərimov bidirib ki, ixrac olunan pomidorun və digər tərəvəz məhsullarının çox böyük hissəsi istixana şəraitində yetişdirilən məhsullardır. Onun sözlərinə görə, hazırda müasir tərəvəz istixanalarında ən geniş yayılmış texnologiyalardan biri LED işıqlandırma sistemidir: “Bu texnologiyanın tətbiqi nəticəsində hər hektardan 150-200 ton əlavə pomidor və digər tərəvəz məhsulları götürülür”.
İnam Kərimovun sözlərinə görə, ilboyu yüksək keyfiyyətli tərəvəzin istehsalı ölkəyə daxil olan valyutanın həcmini də artıracaq.
Məlumatda bildirilib ki, ilkin mərhələdə bu texnologiyaların “Buta Group” və “Grow Group” şirkətlərinə məxsus istixanalarda tətbiqi planlaşdırılır.
