“Azəriqaz” İB tərəfindən bu il ərzində ölkədə ən azı 10 min xüsusi qurğularla təchiz edilmiş "ağıllı" sayğac quraşdırılacaq. APA-nın yaydığı xəbərə görə, bunu martın 18-də qurumun rəsmisi Eldəniz Vəliyev "Açıq qapı" aksiyası çərçivəsində jurnalistlərə bildirib. Onun sözlərinə görə, mərhələli şəkildə bütün Azərbaycanda bu cür ağıllı sayğacların quraşdırılması davam edəcək. Bildirilib ki, ağıllı sayğacların tətbiqinə 2021-ci ildə start verilib. Hazırda respublikada smart-kart tipli sayğaclardan da istifadə edilir. Yaxın bir neçə il ərzində "Azəriqaz" əvvəlcədən ödənişli smart-kart tipli sayğacların alınmasını dayandıracaq.
