Qarabağ və Şərqi Zəngəzur iqtisadi rayonlarının ərazisində Meşələrin İnkişafı Xidmətinin yerli qurumları tərəfindən ümumilikdə 46 hektar sahədə 5 800 ədəddən artıq ağac əkilib, 3150 kq toxum səpilib.
Bu barədə Report 5 dekabr tarixində xəbər verib.
Meşələrin İnkişafı Xidmətinin rəisi Cabbar Qəribovun sözlərinə görə, aparılan meşəbərpa tədbirləri zamanı Regional Meşə Təsərrüfatı Mərkəzlərinin tinglik sahələrində yetişdirilən və yerli torpaq-iqlim şəraitinə uyğun əkin materiallarından istifadə olunub.
“Proqram çərçivəsində 2026-cı ilin sonunadək Cəbrayıl, Zəngilan, Qubadlı, Laçın, Kəlbəcər, Xocavənd, Ağdam və Füzuli rayonlarının 1150 hektar sahəsində meşəbərpa tədbirlərinin aparılması nəzərdə tutulub”, - C.Qəribov deyib.
[caption id="attachment_140553" align="alignnone" width="696"]
Foto Report.az saytı[/caption]
