Azərbaycan Prezidenti İlham Əliyev azad olunmuş ərazilər üzrə şəhər günləri təsis edilməsi haqqında Sərəncam imzalayıb.
Bu barədə 31 iyul tarixində Prezidentin Mətbuat Xidməti məlumat yayıb.
Sərəncama əsasən, hər il aşağıdakı günlər işğaldan azad edilmiş ərazilərdəki şəhərlərin günləri kimi təntənəli şəkildə qeyd olunacaq:
26 avqust – Laçın şəhəri günü
4 oktyabr – Cəbrayıl şəhəri günü
17 oktyabr – Füzuli şəhəri günü
20 oktyabr – Zəngilan şəhəri günü
25 oktyabr – Qubadlı şəhəri günü
8 noyabr – Şuşa şəhəri günü
20 noyabr – Ağdam şəhəri günü
25 noyabr – Kəlbəcər şəhəri günü.
Mədəniyyət Nazirliyi Azərbaycan Respublikası Prezidentinin xüsusi nümayəndəlikləri ilə birlikdə Sərəncamdan irəli gələn məsələlərin həlli üçün zəruri tədbirlər görməlidir.
Nazirlər Kabineti Sərəncamdan irəli gələn məsələləri həll etməlidir.
