Azərbaycanın milli aviadaşıyıcısı "Azərbaycan Hava Yolları" QSC (AZAL) Avropanın Praqa, London, Vyana, Berlin, Barselona və Milan şəhərlərinə endirim aksiyasına başlayır. Bu barədə 23 yanvar tarixində AZAL məlumat verib.
Endirimli aviabiletləri yanvarın 23-dən fevralın 1-dək əldə etmək mümkündür. Aksiya yüksək tələbat dövrü istisna olmaqla, aviaşirkətin Fevralın 1-17-də həyata keçirəcəyi reyslərinə şamil olunur. Göstərilən istiqamətlər üzrə aviabiletlərin qiymətinə hava limanı rüsumları daxildir:
- Bakı-Vyana-Bakı, Bakı-Praqa-Bakı, Bakı-Berlin-Bakı, Bakı-Milan-Bakı - 299 avro.
- Bakı-Barselona-Bakı - 349 avro.
- Bakı-London-Bakı (Qetvik Hava Limanı) - 359 avro,
- Bakı-London-Bakı (Hitrou Hava Limanı) - 391 avro.
Qeyd edək ki, endirimli aviabiletlərin sayı məhduddur. Biletlərin qiymətinə baqaj daxil deyil, lakin 10 kq-a qədər əl yükünün daşınmasına icazə verilir.
