Azərbaycanda mart ayının 1-nə əhalinin banklardakı əmanətlərinin həcmi milli valyuta ekvivalentində 10 milyard manatdan çox təşkil edib. Bu da ötən ilin martın 1-i ilə müqayisədə 19,8% çoxdur. Bu barədə 15 aprel tarixində dərc edilmiş Dövlət Statistika Komitəsinin son hesabatında deyilir.
Məlumata əsasən, əmanətlərin 59,6%-i milli, 40,4%-i isə xarici valyutada yerləşdirilib. İl ərzində milli valyutada olan əmanətlərin həcmi 43,1% artıb, xarici valyutada olan əmanətlərin həcmi isə 3,5% azalıb.
