Bu ilin yanvar-iyun aylarında Azərbaycana 753,305 milyon dollar dəyərində 48 373 ədəd müxtəlif təyinatlı avtomobil idxal olunub. Bu barədə 14 iyul tarixində Dövlət Gömrük Komitəsi xəbər verir.
Bu, ötən ilin eyni dövrü ilə müqayisədə müvafiq olaraq 63,4% və 37,5% çoxdur.
6 ayda sürücü daxil olmaqla 10 nəfər və yaxud daha çox adam daşımaq üçün nəzərdə tutulmuş motorlu nəqliyyat vasitələrinin idxalı 4,2 dəfə azalaraq 77 ədəd, əsasən, adamların daşınması üçün nəzərdə tutulmuş minik avtomobilləri və digər motorlu nəqliyyat vasitələrinin idxalı isə 38,8% artaraq 44 937 ədəd təşkil edib.
Bu avtomobillərin 7 329-u daxili yanma mühərriki ilə yanaşı, elektrik mühərriki ilə də hərəkətə gətirilən nəqliyyat vasitələri, 1 124-ü isə yalnız elektrik mühərriki ilə hərəkətə gətirilən nəqliyyat vasitələridir.
Bu isə birincinin 17,9%, ikincinin isə 7,3 dəfə artması deməkdir.
