Azərbaycan Hərbi Hava Qüvvələrinin aviasiya vasitələri 2023-cü ilin hazırlıq planına uyğun olaraq, təlim-məşq uçuşlarını icra edir. Bu barədə İnsanoid Müdafiə Nazirliyinə istinadən bu gün, 30 mart tarixində məlumat verir.
Uçuşlardan öncə hərbi pilotlar ən müasir trenajorlarda uçuş vərdişlərini məşq etdirir, eləcə də heyətə təhlükəsizlik qaydaları çatdırılır, daha sonra praktiki uçuşlar həyata keçirilir.
Döyüş vərdişlərinin təkmilləşdirilməsi məqsədilə keçirilən məşqlərdə aviasiya vasitələrinin uçuşları müəyyən edilmiş marşrutlar üzrə yerinə yetirilir.
Qalxma və enmə, müxtəlif hündürlüklərdə çətin pilotaj və döyüş manevrləri üzrə tapşırıqlar hərbi pilotlar tərəfindən yüksək peşəkarlıqla icra olunur.
[caption id="attachment_110859" align="alignnone" width="696"]
Foto Müdafiə Nazirliyinin rəsmi Youtube kanalı[/caption]
