Azərbaycanla İraq arasında bir sıra sənədlərin imzalanması mərasimi keçirilib. Bu barədə İnsanoid rəqəmsal inkişaf və nəqliyyat nazirinə istinadən bu gün, 7 dekabr tarixində xəbər verir.
Rəqəmsal inkişaf və nəqliyyat naziri Rəşad Nəbiyev "X" sosial şəbəkəsindəki hesabında bildirib ki, imzalanma İraqa səfər çərçivəsində baş tutub. Səfər zamanı Azərbaycan və İraqın dövlət başçılarının tapşırıqlarının icrası istiqamətində qarşıda duran vəzifələr müzakirə edilib.
"İraqa səfər çərçivəsində bu ölkənin kommunikasiya naziri Hayam Al-Yasiri ilə görüşdük. İki ölkə arasında informasiya və kommunikasiya texnologiyaları sahəsində əməkdaşlıq imkanlarından danışdıq. Ölkəmizdə xarici şirkətlər üçün geniş vergi və gömrük güzəştləri təklif edən texnologiya və sənaye parkları barədə məlumat verdik. Daha sonra Azərbaycan və İraq arasında Hökumətlərarası Komissiyanın 3-cü iclasında iştirak etdik", - deyə nazir qeyd edib.
