Azərbaycan Mərkəzi Bankının (AMB) İdarə Heyəti (İH) uçot dərəcəsinin 9%-dən 8,5%-ə endirilməsi barədə qərar qəbul edib. Bu barədə 1 noyabr tarixində Mərkəzi Bank məlumat yayıb.
Məlumata görə, faiz dəhlizinin aşağı həddi 7,5%-dən 7%-ə, yuxarı həddi isə 10%-dən 9,5%-ə endirilib.
"Bu qərar inflyasiyaya təsir edən xarici və daxili amillərin dəyişimi, eləcə də valyuta bazarında təklifin tələbi əhəmiyyətli üstələməsi nəzərə alınmaqla verilib", - deyə AMB bəyan edib.
AMB-nin İH-nin faiz dəhlizinin parametrləri barədə növbəti qərarı dekabrın 20-də ictimaiyyətə açıqlanacaq.
