Voleybolçu oğlanlardan ibarət Azərbaycan yığması Şərqi Avropa Voleybol Zonal Assosiasiyası (EEVZA) çempionatında iştirak edəcək. Bu barədə İnsanoid assosiasiyaya istinadən bu gün, 28 dekabr tarixində xəbər verir.
20 yaşadək idmançıların iştirak edəcəyi yarış 2024-cü il 10-14 yanvar tarixlərində Polşanın Qojuv-Velkopolski şəhərində keçiriləcək.
Millimiz orada 4 oyun keçirəcək.
11 yanvar
23:00. Azərbaycan - Estoniya
12 yanvar
20:00. Azərbaycan – Ukrayna
13 yanvar
23:00. Azərbaycan – Latviya
14 yanvar
20:00. Azərbaycan – Polşa
Yarış AVRO-2024-ə seçmə xarakteri daşıyır. Reqlamentə əsasən, birinci yeri tutacaq komanda birbaşa qitə birinciliyinin final mərhələsinə vəsiqə əldə edəcək.
