Bu ilin yanvar-aprel aylarında Azərbaycana 168 ölkədən 522,9 min və yaxud ötən ilin eyni dövrü ilə müqayisədə 1,6 dəfə (təxminən 60% çox) çox əcnəbi və vətəndaşlığı olmayan şəxs gəlib. Bu barədə 22 may tarixində Dövlət Statistika Komitəsi xəbər verir.
Məlumata görə, gələnlərin 31,7%-i Rusiya, 20,9%-i Türkiyə, 8,4%-i İran, 5,5%-i Gürcüstan, 5%-i Hindistan, 2,3%-i Pakistan, 2,2%-i Birləşmiş Ərəb Əmirlikləri (BƏƏ) kimi ölkələrin vətəndaşları olublar. Gələnlərin 75,8%-ni kişilər, 24,2%-ni qadınlar təşkil edib.
Ötən ilin eyni dövrü ilə müqayisədə Çindən gələnlərin sayı 4,3 dəfə, Hindistandan - 4,2 dəfə, Türkmənistandan - 3,8 dəfə, Özbəkistandan - 3,3 dəfə, Belarusdan - 3,3 dəfə artıb.
Ölkəmizə gələn əcnəbilər və vətəndaşlığı olmayan şəxslərin 33,7%-i dəmir yolu və avtomobil, 64,8%-i hava, 1,5%-i isə dəniz nəqliyyatından istifadə edib.
