2023-2024-cü il payız-qış mövsümü ərzində TƏBİB-nin tabeliyində olan tibb müəssisələri üzrə 15 550 nəfərin vaksinasiyası aparılıb. Bu barədə 11 yanvar tarixində TƏBİB məlumat verib.
Qrip əleyhinə inaktivləşdirilmiş vaksinlər mövsümi olaraq, xüsusilə qrip ağırlaşmalarının meydana çıxma riski yüksək olduğu hallarda uşaqların və böyüklərin qripdən qorunmasına kömək edir.
"Qrip əleyhinə peyvənd olunmaq istəyən vətəndaşlar regionlar üzrə TƏBİB-nin tabeli rayon mərkəzi xəstəxanalarında, Bakı şəhəri üzrə isə müəyyən olunan müvafiq ilkin səhiyyə müəssisələrində ödənişsiz olaraq yararlana bilərlər", - məlumatda deyilir.
Vaksinlər Niderland istehsalıdır.
