Azərbaycanda 25 min manat əməkhaqqı alan həkimin olması ilə bağlı İcbari Tibbi Sığorta üzrə Dövlət Agentliyinin Maliyyə Departamenti açıqlama yayıb. Bu barədə İnsanoid APA-ya istinadən bu gün, 22 noyabr tarixində xəbər verib.
"Hazırda Azərbaycanda həkimlər arasında aylıq maksimum 24 500 manat əməkhaqqı (vahid cədvəl tarifi+aylıq sabit əlavə+bonus) alan həkim-ümumi cərrah, 12 700 manat alan oftalmoloq, 8 900 manat alan mama-ginekoloq, 6 750 manat alan radioloq var".
Bunu İcbari Tibbi Sığorta üzrə Dövlət Agentliyinin Maliyyə Departamentinin əməkdaşı Səməd Səmədov deyib.
Onun sözlərinə görə, 2019-cu illə müqayisədə dövlət tibb müəssisələrində işləyən həkim-mütəxəssislərin minimum əməkhaqlarında 3,2 dəfə, gəlirlərində (sabit əlavə və bonus) isə 5 dəfədən 50 dəfəyədək artım olub.
