Azərbaycanda bu ilin iyul ayının 1-i vəziyyətinə hesablanmış əhalinin sayı 10 151 517 nəfər təşkil edib.
Bu barədə məlumat Dövlət Statistika Komitəsinin 14 avqust tarixli hesabatında əks olunub.
Əhalinin ümumi sayının 54,6%-ini şəhər, 45,4%-ini kənd sakinləri, 49,8%-ini kişilər, 50,2 %-ini isə qadınlar təşkil edir.
Cari ilin yanvar-iyun aylarında ölkə üzrə 53 918 doğulan körpə qeydə alınmışdır.
Doğulanlar arasında oğlan uşaqlarının xüsusi çəkisi 53,2%, qız uşaqlarının xüsusi çəkisi isə 46,8% olmuşdur. Doğulan körpələrdən 1 580-i əkiz, 75-i üçəm, 4-ü isə dördəm olmuşdur.
Bu ilin birinci yarısında ölkədə 30 165 ölüm halı qeydə alınıb.
