Azərbaycanda ən çox çempionluq sevinci yaşamış baş məşqçi məlum olub - SİYAHI

Azərbaycan futbolunda çempion olan məşqçilərin siyahısı müəyyənləşib. Bu barədə Report 17 may tarixində xəbər verib.

Qurban Qurbanov ən çox çempionluq sevinci yaşamış baş məşqçi olub.

“Qarabağ” 2022/2023 mövsümündə qızıl medal qazanaraq, 51 yaşlı baş məşqçinin rekordunu yeniləyib. Qurbanov Ağdam klubu ilə birlikdə 9-cu dəfə qızıl medala yiyələnib.

Onu 5 çempionluqla Ağasəlim Mircavadov izləyir. Qurbanov bütün titulları “Qarabağ”la əldə edibsə, Mircavadov 4 fərqli komanda ilə çempionluq sevinci yaşayıb.

İlk üçlüyü Kazbek Tuayev qapayır. Onun aktivində 4 çempionluq var.

Azərbaycan çempionatları tarixində cəmi 3 əcnəbi mütəxəssis qızıl medalı boynundan asa bilib. Ukraynalı Valentin Xodukin və gürcüstanlı Kaxaber Sxadadze “İnter”i, şimali makedoniyalı Qyoko Hacıyevski isə “Bakı”nı bir dəfə çempion edib.

Ümumilikdə 31-ci milli çempionat başa çatmaq üzrədir. Yalnız 2001/2002 mövsümündə Qəhrəman Əliyevin rəhbərlik etdiyi “Şəmkir” çempionata liderlik etdiyi bir vaxtda klublar AFFA-ya etiraz əlaməti olaraq yarışı dayandırıblar.

Çempion baş məşqçilər:

1. Qurban Qurbanov - 9 dəfə (“Qarabağ” – 2013/2014, 2014/2015, 2015/2016, 2016/2017, 2017/2018, 2018/2019, 2019/2020, 2021/2022, 2022/2023)


2. Ağasəlim Mircavadov – 5 (“Qarabağ” – 1993, “Şəmkir” – 1999/2000, 2000/2001, “Neftçi” – 2004/2005, “Xəzər Lənkəran” – 2006/2007)


3. Kazbek Tuayev – 4 (“Turan” - 1993/1994, “Neftçi” – 1995/1996, 1996/1997, 2003/2004)

Böyükağa Hacıyev – 3 (“Bakı” – 2005/2006, “Neftçi” – 2011/2012, 2012/2013)

6-11. Əhməd Ələsgərov – 1 (“Neftçi” - 1992)

Valentin Xodukin – 1 (“İnter” – 2007/2008)

Qyoko Hacıyevski – 1 (“Bakı” – 2008/2009)

Kaxaber Sxadadze – 1 (“İnter” – 2009/2010)

Arif Əsədov – 1 (“Neftçi” – 2010/2011)

Samir Abasov - 1 (“Neftçi” – 2020/2021)