Azərbaycanda avtomobil nəqliyyatı ilə sərnişin və yük daşımaları xidmətləri göstərənlər icazə almalı olacaqlar.
Bununla bağlı 18 avqust tarixində Prezident İlham Əliyev “Lisenziyalar və icazələr haqqında” Qanunda dəyişiklik edilməsi barədə Qanunu təsdiqləyib.
Bu, “Avtomobil nəqliyyatı haqqında” yeni Qanuna uyğunlaşdırılıb.
Beləliklə, sərnişin və yük daşımalarında lisenziya tələbi icazə tələbi ilə əvəzlənib.
Azərbaycanda avtomobil nəqliyyatı ilə sərnişin və yük daşımaları xidmətləri göstərənlər icazə almalı olacaqlar. Həmin icazələr aşağıdakılardır:
-Azərbaycanla xarici ölkələr arasında avtomobil nəqliyyatı ilə daşımaları yerinə yetirmək üçün operatorlara verilən beynəlxalq yük və qeyri-müntəzəm daşımalarına buraxılış vəsiqəsi;
-Ölkədaxili sifarişli daşımalara buraxılış vəsiqəsi;
-Taksi minik avtomobilləri ilə sərnişin daşımalarına buraxılış vəsiqəsi;
-Taksi sifariş operatoru fəaliyyətinə icazə.
Qanun 2023-cü il oktyabrın 1-dən qüvvəyə minir.
