Ötən il müəyyən edilmiş 94 insan alveri qurbanından (93 qadın, 1 kişi) 93-ü Azərbaycan vətəndaşı, biri əcnəbi olub (Nigeriya Federativ Respublikasının vətəndaşı öz həmyerlisi tərəfindən Azərbaycanda istismar edilib). Bu haqda Azərbaycanda insan alverinə qarşı mübarizəyə dair İnsan Alverinə Qarşı Mübarizə üzrə Milli Koordinatorun 2022-ci il üzrə hesabatında bildirilib.
Bu barədə 8 may tarixində Report məlumat verib.
Qeyd edilib ki, onlardan 82-si cinsi istismar məqsədilə Türkiyəyə, 1-i İrana aparılıb, 9-u ölkə daxilində cinsi istismara, 2-si isə məcburi əməyə məruz qalıb. Qurbanlardan 6-sı uşaq (hamısı qadın, cinsi istismar), 16-sı 18-25 və 41-i 25-35 yaş arası, 31-i 35-dən yuxarı yaş həddində olublar.
