Bakıda Avropa ravvinlərinin iki ildən bir keçirilən konfransı baş tutacaq. Bu barədə 3 avqust tarixində Report məlumat verib.
Noyabrın 12-dən 15-dək keçiriləcək konfransda 500-ə yaxın avropalı ravvinin iştirakı gözlənilir.
Konfransın əsas mövzusu dini etiqad azadlığı və yəhudi icmalarının fəaliyyəti ilə bağlı məsələlər olacaq.
İştirakçılar, eyni zamanda dağ yəhudilərinin böyük icmasının əsrlər boyu kompakt şəkildə yaşadığı Qubaya səfər edəcəklər.
“Azərbaycan yəhudi xalqı üçün xüsusi ölkədir və dünyada ən nadir yəhudi icmalarından biri məhz burada yaşayır”, - Avropa Ravvinləri Konfransının prezidenti ravvin Pinhas Qoldşmit bildirib. O, bu ilin əvvəlində Azərbaycanda səfərdə olub və Prezident İlham Əliyev tərəfindən qəbul edilib.
Konfrans Azərbaycanda ilk dəfə keçiriləcək.
