Azərbaycanda nisyə mal alqı-satqısı ilə məşğul olanlarla bağlı yeni cərimələr müəyyən edilib.
Bununla bağlı 1 avqust tarixində Prezident İlham Əliyev İnzibati Xətalar Məcəlləsinə dəyişiklik edilməsi barədə qanunu təsdiqləyib.
Qanuna əsasən, nisyə mal alqı-satqısı ilə məşğul olan şəxslər tərəfindən kredit tarixçələrini təşkil edən məlumatın kredit bürosuna təqdim edilməməsinə, yaxud tam, düzgün və ya vaxtında təqdim edilməməsinə görə vəzifəli şəxslər 1 500 manatdan 2 000 manatadək məbləğdə, hüquqi şəxslər 10 000 manatdan 12 000 manatadək məbləğdə cərimə ediləcəklər.
