Azərbaycanda fevralın 7-də keçiriləcək növbədənkənar prezident seçkilərində namizədliyini irəli sürən şəxslərin sayı 6-ya çatıb. Bu barədə 18 dekabr tarixində Report məlumat verib.
Milli Cəbhə Partiyasının sədri deputat Razi Nurullayevin növbədənkənar prezident seçkilərində iştirak etmək üçün namizədliyi irəli sürülüb.
Bütöv Azərbaycan Xalq Cəbhəsi Partiyasının (BAXCP) sədri deputat Qüdrət Həsənquliyevin növbədənkənar prezident seçkilərində iştirak etmək üçün namizədliyi irəli sürülüb.
Dekabrın 15-də isə Yeni Azərbaycan Partiyası (YAP) İdarə Heyətinin genişləndirilmiş iclasında İlham Əliyevin prezidentliyə namizədliyinin irəli sürülməsi barədə qərar qəbul edilib.
Dekabrın 16-da isə Böyük Quruluş Partiyasının (BQP) Ali Məclisinin qərarı ilə partiya sədri deputat Fazil Mustafanın prezidentliyə namizədliyi irəli sürülüb.
Sosial Tədqiqatlar Mərkəzi İdarə Heyətinin sədri deputat Zahid Oruc da namizədliyini öz təşəbbüsü ilə irəli sürüb.
Böyük Azərbaycan Partiyasının sədri Elşad Musayev növbədənkənar prezident seçkilərində iştirak etmək üçün namizədliyini irəli sürüb. O, sənədlərini dekabrın 19-da Mərkəzi Seçki Komissiyasına təqdim edəcək.
